У Вільнюсе 22 снежня адбылася прэзентацыя унікальнага чатырохмоўнага альманаху паэзіі “У каралеўскіх далонях” (“Karalių delnuose“). Змест гэтага мастацкага выдання склалі вершаваныя творы і пераклады, а таксама фотапрацы ўдзельнікаў творчага пленэру, які адбыўся напачатку чэрвеня ў літоўскіх Друскеніках. У гэтым годзе ў пленэры ўдзельнічалі чатыры краіны – Літва, Польшча, Украіна і Беларусь. Беларускі бок на паэтычным форуме прадстаўлялі Вольга Іпатава, Леанід Дранько-Майсюк, Эдуард Акулін, Сяржук Сыс, Аксана Данільчык, а таксама перакладчык і музыкант Алесь Мікус. Прэзентацыі, што прайшла 22 снежня ў будынку Саюзу літоўскіх пісьменнікаў, папярэднічала фотавыстава з Друскенінскага пленэру.
Прыемным перадкалядным падарункам для паэтаў Леаніда Дранько-Майсюка і Эдуарда Акуліна стаў выхад у свет чарговага нумара літаратурна-культурніцкага альманаха “Baltija”. Гэта — выданне літоўскіх літаратараў Клайпеды. А ягоным рэдактарам з’яўляецца малады літоўскі паэт і перакладчык Дайніус Сабецкіс. Менавіта ў перакладах Дайніуса Сабецкіса і загучалі па-літоўску вершы беларускіх паэтаў.
Літаратурныя навіны і падзеі
Паэзія Сяржука Сыса
Урывак новай аповесці Алеся Рыбака
Вершы Міколы Трафімчука і Адама Шостака
«Дыскурс»: абмеркаванне кнігі Валерыя Казакова «Цень гобліна»
а таксама іншыя кніжныя навінкі
Паэзію ў новым нумары “Дзеяслова” прадстаўляюць: Ніл Гілевіч. “Як Бог на небе…” Вершы розных гадоў; Віктар Ярац. “Зямля і неба”. Паэма і вершы; Сяржук Сыс. “Вецер з Балтыкі”. Вершы; Віктар Жыбуль. “Завугольле экзістэнцыі”. Вершы з кнігі «Стапэліі»;
Аксана Спрынчан. “Цяжарнасьць і лёгкасьць Быцьця...” Вершы.
|
| Студзень 2009 | ||||||
| Пн | Ат | Ср | Чц | Пт | Сб | Нд |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
|
Студзень 2009 |
 |
Белавежскія “ТЭРМАПІЛЫ”
Выйшаў у свет чарговы нумар літаратурна-мастацкага і беларусазнаўчага альманаху “Тэрмапілы” (2008, №12. – Беларускае літаратурнае аб’яднаньне “Белавежа”, Беласток. – 352 стар.).
З нагоды 50-гадовага юбілею выдаўца – літаратурнага аб’яднання “Белавежа” – “Тэрмапілы” выйшлі ў найбольшым за ўсю сваю гісторыю аб’ёме, што дазволіла апублікаваць “Белавежскую” анталогію “Прывіды роднага”. Сярод арыгінальных публікацыяў – невядомая пакуль Беларусі Юстына Каролька (вершы) ды блізкія да дзённікавых запісаў тэксты Радзіма Гарэцкага “Жыццёвы меланж навукоўца”. Арфейна ўспрымаюцца “Маленькія паэмы ў прозе” Шарля Бадлера, перакладзеныя па-беларуску Кастусём Карпекіным. У “Спадчыне” – забытыя старонкі (і тэксты) Змітрака Бядулі. З аб’ёмнага і прадстаўнічага “Літаратуразнаўства” вылучаюцца тэксты Уладзіміра Конана, Людмілы Сіньковай, Міколы Мішчанчука, Алы Петрушкевіч, Анатоля Раманчука, Сяргея Чыгрына, Андрэя Савінкава, Міколы Мікуліча ды Зоі Мельнікавай.
12 гадоў рэдагуе “Тэрмапілы” беларускі пісьменнік і літаратуразнаўца з Польшчы Ян Чыквін.
Ул. інф.